Tena samayena buddho bhagavā sāvatthiyaṃ viharati jetavane anātha­piṇḍi­kassa ārāme. Tena kho pana samayena chabbaggiyā bhikkhū pādukāruḷhassa dhammaṃ desenti … pe ….

“Na pādukāruḷhassa agilānassa dhammaṃ desessāmīti sikkhā karaṇīyā”ti. (61:206)

Na pādukāruḷhassa agilānassa dhammo desetabbo. Yo anādariyaṃ paṭicca akkantassa vā paṭimukkassa vā omukkassa vā agilānassa dhammaṃ deseti, āpatti dukkaṭassa.

Anāpatti—asañcicca … pe … ādi­kammi­kas­sāti.

Paṭha­ma­sikkhā­padaṃ niṭṭhitaṃ.