“Upasampadā ca me laddhā,
vimutto camhi anāsavo;
So ca me bhagavā diṭṭho,
vihāre ca sahāvasiṃ.

Bahudeva rattiṃ bhagavā,
abbho­kāse­tinā­mayi;
Vihārakusalo satthā,
vihāraṃ pāvisī tadā.

Santharitvāna saṅghāṭiṃ,
seyyaṃ kappesi gotamo;
Sīho selaguhāyaṃva,
pahīna­bhaya­bhe­ravo.

Tato kalyā­ṇa­vākka­raṇo,
sammā­sambud­dha­sāvako;
Soṇo abhāsi saddhammaṃ,
buddha­seṭṭhassa sammukhā.

Pañcakkhandhe pariññāya,
Bhāvayitvāna añjasaṃ;
Pappuyya paramaṃ santiṃ,
Pari­nib­bissat­ya­nāsavo”ti.

… Soṇo kuṭikaṇ­ṇat­thero ….