Tatra katamāni bhikṣavas-Tathāgatasya catvāri vaiśāradyāni?

1. ‘Iha Bhagavāṁs-Tathāgato ’rhan Samyak-Saṁbuddha ity-ātmānaṁ pratijānīte | ime tvayā dharmā nābhisaṁbuddhā.’

   Ity-atrasya kaścid vādamāno vadet | sadevake loke samārake sabrahmake | saśramaṇa-brāhmaṇikāyāṁ prajāyāṁ sadeva-mānuṣāsurāyām | nimittam-etan-na samanupaśyāmi ||

   Nimittam-asamanupaśyaṁs-Tathāgataḥ kṣema-prāpto viharati abhaya-prāptaḥ | ārṣabhaṁ sthānaṁ prajānāti | samyak-parṣad-gataḥ siṁha-nādaṁ nadati | brāhma-cakraṁ pravartayati | apravartitaṁ śramaṇena brāhmaṇena vā | kenacid vā punar-loke saha-Dharmeṇeti ||

2. ‘Ye vā punar-mayāntarāyikā dharmā ākhyātāḥ tān pratisevamānasya nālam-antarāyāyāḥ.’

   Ity-atrāsya kaścid-iti… vistaraḥ ||

3. ‘Yā vā punar-mayā śrāvakānāṁ pratipad-ākhyātā | āryā nairyāṇikī tāṁ pratisevamānasya na niryāyāt tat-karasya samyag-duḥkha-kṣayāya.’

   Ity-atrasya kaścid-iti… pūrvavat ||

4. ‘Kṣīṇāsravasya sataḥ ātmānaṁ pratijānataḥ | ime te āsravā na parikṣīṇā.’

   Ity-atrasya kaścid vādamāno vadet | sadevake loke samārake sabrahmake | saśramaṇa-brāhmaṇikāyāṁ prajāyāṁ sadeva-mānuṣāsurāyām | nimittam-etan-na samanupaśyāmi ||

   Nimittam-asamanupaśyaṁs—Tathāgataḥ kṣema-prāpto viharati abhaya-prāptaḥ | ārṣabhaṁ sthānaṁ prajānāti | samyak-parṣad-gataḥ siṁha-nādaṁ nadati | brāhma-cakraṁ pravartayati | apravartitaṁ śramaṇena brāhmaṇena vā | kenacid vā punar-loke saha-Dharmeṇeti ||

Imāni Tathāgatasya catvāri vaiśāradyāni ||