dvau dharmau śaikṣasya bahukarau bhavataḥ |

hrīr vyapatrāpyaṃ ca | evam suvacatvaṃ kalyāṇamitratā ca | āpattikauśalyam āpattivyutthānakauśalyaṃ ca | samāpattikauśalyam samā­pattiv­yutthānakauśalyaṃ ca | dhātukauśalyaṃ manasikārakauśalyaṃ ca | ārjavatā mārdavaṃ ca | kṣāntiḥ sauratyaṃ ca | sākhilyaṃ ca pratisaṃstaraś ca | smṛtiś ca saṃprajanyaṃ ca | pratisaṃkhyānabalaṃ bhāvanābalaṃ ca | indriyair guptadvāratā bhojane mātrajñatā ca | śīlasaṃ­pattir dṛṣṭisaṃpattiś ca | śīlaviśuddhir dṛṣṭiviśuddhiś ca | dṛṣṭiviśuddhis tathādṛṣṭeś ca yoniśaḥ pradhānam | saṃvejanīyeṣu dharmeṣu saṃvegaḥ tathāsaṃvignasya ca yoniśaḥ pradhānaṃ | asaṃtuṣṭiḥ kuśaleṣu dharmeṣu aprativāṇiś ca prahāṇe | śamathaś ca vipaśyanā ca | vidyā ca vimuktiś ca | |

dve jñāne śaikṣasya bahukare bhavataḥ | dharmajñānam anvayajñānaṃ ca | evaṃ

paracittajñānaṃ saṃvṛtijñānaṃ ca | duḥkhajñānaṃ samudayajñānaṃ ca | nirodhajñānaṃ mārgajñānaṃ ca | duḥkhe dharmajñānaṃ duḥkhe ’nvayajñānaṃ ca | nirodhe dharmajñānaṃ nirodhe ’nvayajñānaṃ ca | mārge dharmajñānaṃ mārge ’nvayajñānaṃ ca | |

dvau hetū dvau pratyayau śaikṣasya samyagdṛṣṭer utpādāya |
parataś ca ghoṣa adhyātmaṃ ca yoniśo manasikāraḥ | |

dve satye śaikṣasya bahukare bhavataḥ |
saṃvṛtisatyaṃ paramārthasatyaṃ ca | |

dvayor dharmayoḥ śaikṣeṇa tīvraś cetasaḥ ārakṣāsmṛtyapramāde yogaḥ karaṇīyaḥ | satye cākopye ca | |

dvau dharmau śaikṣasya bahukarau bhavataḥ | upasthitasmṛtitā ca kāye notkṣiptacakṣuṣkatā ca antargṛhe |

dvau dharmau śaikṣasya bahukarau bhavataḥ |
/// anagāre cābhiratiḥ | |

dvau dharmau śaikṣasya parihāṇāya saṃvartate |
labhenānunīyate alābhena pratihanyate |

dvau dharmau śaikṣasya aparihāṇāya saṃvartate |
labhena nānunīyate alābhena na pratihanyate |

yathā lābha alābha evaṃ yaśa ayaśo nindā praśaṃsā sukhaṃ duḥkhaṃ | |

dvau dharmau śaikṣasya rāga­parihāṇāya saṃvartate |
śamathaś ca vipaśyanā ca |

dvau dharmau śaikṣasya lobhaparihāṇāya saṃvartate |
śamathaś ca vipaśyanā ca |

yathā lobha evaṃ dveṣo mohaḥ pūrvavad yathā likhitaṃ |

dvau dharmau śaikṣasya prajñāpratilaṃbhāya saṃvartate |
śamathaś ca vipaśyanā ca |

yathā prajñāpratilaṃbhāya evaṃ pūrvavad yathoktaḥ prajñāmārgaḥ | | | |

uddānaṃ | |
ahitaṃ mūlam anarthāya | |/
indriya­bala­bodhyaṅgā daśa aṅgikaiś ca kārayet | |