“Kodha santusito loke,
(iccāyasmā tissametteyyo):
Kassa no santi iñjitā;
Ko ubhanta­ma­bhiñ­ñāya,
Majjhe mantā na lippati;
Kaṃ brūsi mahāpurisoti,
Ko idha sibbinimaccagā”.

“Kāmesu brahmacariyavā,
(metteyyāti bhagavā):
Vītataṇho sadā sato;
Saṅkhāya nibbuto bhikkhu,
Tassa no santi iñjitā.

So ubhanta­ma­bhiñ­ñāya,
Majjhe mantā na lippati;
Taṃ brūmi mahāpurisoti,
So idha sibbinimaccagā”ti.

­Tissa­met­teyya­māṇava­pucchā dutiyā.