“Pabbate himavantamhi,
vāsaṃ kappesahaṃ pure;
Aji­nuttara­vāso­haṃ,
vasāmi pabbatantare.

Suvaṇṇavaṇṇaṃ sambuddhaṃ,
Sataraṃsiṃva bhāṇumaṃ;
Vanantaragataṃ disvā,
Sālarājaṃva pupphitaṃ.

Raṃsyā cittaṃ pasādetvā,
vipassissa mahesino;
Paggayha añjaliṃ vandiṃ,
sirasā ukkuṭī ahaṃ.

Ekanavutito kappe,
yaṃ kammamakariṃ tadā;
Duggatiṃ nābhijānāmi,
raṃsi­saññā­yidaṃ phalaṃ.

Paṭisambhidā catasso,
… pe …
kataṃ buddhassa sāsanaṃ”.

Itthaṃ sudaṃ āyasmā raṃsisaññako thero imā gāthāyo abhāsitthāti.

Raṃsi­sañña­kat­theras­sāpadā­naṃ pañcamaṃ.