magadheṣu nidānam |

traya ime bhikṣavo dharmāḥ saṃvidyante aniṣṭā akāntā amanāpā lokasya | katame trayaḥ / tadyathā vyādhir jarā maraṇam | ime cet trayo dharmā aniṣṭā akāntā amanāpā lokasya nābhaviṣyan tathāgatā arhantaḥ samyaksaṃbuddhā loke na utpatsyante + + + + supraveditasya dharmavinayasya prakāśanāya |

yasmāt tu vyādhir jarā maraṇam ime trayo dharmā aniṣṭā akāntā amanāpā lokasya bhavanti tasmāt tathāgatā arhantaḥ samyaksaṃbuddhā loke utpadyante supraveditasya dharmavinayasya prakāsanāya |

trīn dharmān aprahāya abhavyo vyādhiṃ jarāṃ maraṇaṃ prahātum | katamāṃs trīn | tadyathā rāgadveṣamoham | imāṃs trīn dharmān aprahāya abhavyovyādhiṃ jarāṃ maraṇaṃ prahātum |

trīn dharmān aprahāya abhavyo rāgadveṣamohaṃ prahātum | katamāṃs trīn | tadyathā satkāyadṛṣṭiṃ śīlavrataparāmarśaṃ vicikitsām | imāṃs trīn dharmān aprahāya abhavyo rāgadveṣamohaṃ prahātum |

trīn dharmān aprahāya abhavyo satkāyadṛṣṭiṃ śīlavrataparāmarśaṃ vicikitsāṃ ca prahātum | katamāṃs trīn | ayoniśo manasikāraṃ kumārgasevanāṃ līnacittatāṃ ca | imāṃs trīn dharmān aprahāya abhavyo satkāyadṛṣṭiṃ śilavrataparāmarśaṃ vicikitsāṃ ca prahātum |

trīn dharmān aprahāya abhavyo ayoniśo manasikāraṃ kumārgasevanāṃ līcacittatāṃ ca prahātum | katamāṃs trīn | muṣṭasmṛtitām asaṃprajanyaṃ vikṣepaṃ ca | imāṃs trīn dharmānaprahāya abhavyo ayoniśo manasikāraṃ kumārgasevanāṃ līnacittatāṃ ca prahātum |

trīn dharmān aprahāya abhavyo muṣṭasmṛtitām asaṃprajanyaṃ vikṣepaṃ ca prahātum | katamāṃs trīn | auddhatyam asaṃvaraṃ duḥśīlaṃ ca | imāṃs trīn dharmān aprahāya abhavyo muṣṭasmṛtitām asaṃ­prajanyaṃ vikṣepaṃ ca prahātum |

trīn dharmān aprahāya abhavyo auddhatyam asaṃvaraṃ duḥśīlaṃ ca prahātum | katamāṃs trīn | āśraddhyam avadānyatāṃ kausīdyam | imāṃs trīn dharmān aprahāya abhavyo auddhatyam asaṃvaraṃ duḥśīlaṃ ca prahātum |

trīn dharmān aprahāya abhavyo āśraddhyam avadānyatāṃ kausīdyaṃ prahātum | katamāṃs trīn | āryāṇām adarśanakāmatām āryasya dharmasya aśravaṇakāmatām upālaṃbhacittatāṃ ca | imāṃs trīn dharmān aprahāya abhavyo āśraddhyam avadānyatāṃ kausīdyaṃ prahātum |

trīn dharmān aprahāya abhavyo āryāṇām adarśanakāmatām āryasya dharmasya aśravaṇakāmatām upālaṃbhacittatāṃ ca prahātum | katamāṃs trīn | anādaryaṃ daurvacasyaṃ pāpamitratāṃ ca | imāṃs trīn dharmān aprahāya abhavyo āryāṇām adarśanakāmatām āryasya dharmasya aśravaṇa­kāmatām upālaṃbhacittatāṃ ca prahātum |

trīn dharmān aprahāya abhavyo anādaryaṃ daurvacasyaṃ pāpamitratāṃ ca prahātum | katamāṃs trīn | āhrīkyam anapatrāpyaṃ pramādam | imāṃs trīn dharmān aprahāya abhavyo anādaryaṃ daurvacasyaṃ pāpamitratāṃ ca prahātum |

tat kasmād dhetoḥ | ahrīmān anapatrāpī pramatto bhavati | sa pramattaḥ sann anādaro bhavati | sa anādaraḥ samānaḥ pāpamitro bhavati | sa pāpamitraḥ samānaḥ + + + + + + + + + + .o bhavaty upālaṃ­bhacitto bhavati | sa upālaṃbhacittaḥ samāno ’śraddho bhavati | so ’śraddhaḥ samāno + + + bhavati | sa + + + + sa­mānaḥ + + + + + + + + + + duḥśīlo bhavati | sa auddhatyakāmaḥ | sa muṣṭasmṛtitām asaṃprajanyaṃ vikṣepaṃ + + + + + + + + + + + + + līnacitto bhavati | sa līnacittaḥ samāno vicikitsāṃ satkāyadṛṣṭiṃ ca niviśati | śīlavrataṃ parāmṛśati | atīrṇakāṅkṣaḥ samānaḥ sarāgadveṣamoho bhavati | avītarāgadveṣamoho abhavyo vyādhim jarāṃ maraṇam apakrāmitum |

trīṃs tu dharmān prahāya bhavyo vyādhiṃ jarāṃ maraṇaṃ prahātum | katamāṃs trīn | rāgadveṣamohān | imāṃs trīn dharmān prahāya bhavyo vyādhiṃ jarāṃ maraṇaṃ prahātum |

trīṃs tu dharmān prahāya bhavyo rāgadveṣamohān prahātum | katamāṃs trīn | sat­kāyadṛṣṭiṃ śīlavrataparāmarśaṃ vicikitsām | imāṃs trīn dharmān prahāya bhavyorāgadveṣamohān prahātum |

trīṃs tu dharmān prahāya bhavyaḥ satkāyadṛṣṭiṃ śīlavrataparāmarśaṃ vicikitsāṃ ca prahātum | katamāṃs trīn | ayoniśo manasikāraṃ kumārgasevanāṃ līnacittatāṃ ca | imāṃs trīn dharmān prahāya bhavyaḥ satkāyadṛṣṭiṃ śīlavrataparāmarśaṃ vicikitsāṃ ca prahātum |

trīṃs tu dharmān prahāya bhavyo ayoniśo manasikāraṃ kumārgasevanāṃ līnacittatāṃ ca prahātum | katamāṃs trīn | muṣṭasmṛtitām asaṃprajanyaṃ vikṣepaṃ ca | imāṃs trīn dharmān prahāya bhavyo ayoniśo manasikāraṃ kumārgasevanāṃ līnacittatāṃ ca prahātum |