Ekottarikāgama 28

evaṃ mayā śrutam ekasmin samaye bhagavāṃ cchrāvastyāṃ viharati jetavane ’nāthapiṇḍadasyārāme | tatra bhagavān bhikṣūn āmantrayati sma ||

dvau dharmau nāma ca rūpaṃ ca | avidyā ca bhavatṛṣṇā ca | bhavadṛṣṭir vibhavadṛṣṭiś ca | āhrīkyam anapatrāpyaṃ ca | hrīś cāpatrāpaṃ ca | durvacatvaṃ pāpamitratā ca | suvacatvaṃ kalyāṇamitratā ca | āpattikauśalam āpattivyutthānakauśalaṃ ca | samāpattikauśalam samā­pattiv­yutthānakauśalaṃ ca | dhātukauśalaṃ manasikārakauśalaṃ ca | ārjavatā mārdavaṃ ca | kṣāntiḥ sauratyaṃ ca | sākhilyaṃ ca pratisaṃstaraś ca | smṛtiś ca saṃprajanyaṃ ca | pratisaṃkhyānabalaṃ bhāvanābalaṃ ca | indriyair aguptadvāratā bhojane amātrajñatā ca | indriyair guptadvāratā bhojane mātrajñatā ca | śīlavipattir dṛṣṭivipattiś ca | śīlavyasanaṃ dṛṣṭivyasanaṃ ca | śīlasaṃpad dṛṣṭisaṃpac ca | śīlaviśuddhir dṛṣṭiviśuddhiś ca | dṛṣṭiviśuddhis tathādṛṣṭasya ca yoniśaḥ pradhānam | saṃvejanīyeṣu dharmeṣu saṃvegaḥ tathāsaṃvignasya ca yoniśaḥ pradhānaṃ | asaṃtuṣṭiḥ kuśaleṣu dharmeṣu aprativāṇiś ca prahāṇe | śamathaś ca vipaśyanā ca | vidyā ca vimuktiṣ ca ||

antaroddānaṃ |
dvau dharmau nāma rūpaṃ ca avidyā dvitīyaṃ padaṃ |
bhavadṛṣṭiś cāhrīkyaṃ hrīś cāpi durvacatvaṃ ca ||
suvacatvaṃ tathāpattiḥ samāpattiś ca dhātavaḥ |
ārjavakṣāntisākhilyaṃ smṛtir balendriyaiḥ śīlaṃ ||
saṃ­pattir vyasanaṃ saṃpad viśuddhau cāparadvayaṃ |
saṃvegaś cāpy asaṃtuṣṭiḥ śamatho vidya jānatā ||

dve jñāne

dharmajñānam anvayajñānaṃ ca | evaṃ

para­cittaj­ñānaṃ saṃvṛtijñānaṃ ca |

duḥkhaj­ñānaṃ samudayajñānaṃ ca |

nirodhajñānaṃ mārgajñānaṃ ca |

duḥkhe dharmajñānaṃ duḥkhe ’nvayajñānaṃ ca |

samudaye dharmajñānaṃ samudaya ’nvayajñānaṃ ca |

nirodhe dharmajñānaṃ nirodhe ’nvayajñānaṃ ca |

mārge dharmajñānaṃ mārge ’nvayajñānaṃ ca |

kṣayajñānam anutpādajñānaṃ ca ||

dve hetū dvau pratyayau samyagdṛṣṭer utpādāya |
parataś ca ghoṣa adhyātmaṃ ca yoniśo manasikāraḥ ||

dve satye | saṃvṛtisatyaṃ paramārthasatyaṃ ca |

dvayor dharmayos tīvraś cetasaḥ ārakṣāsmṛtyapramāde yogaḥ karaṇīyaḥ satye cākopye ca ||

dvāv arthavaśau saṃpaśyan kiṃpuruṣaḥ kiṃpuruṣīṃ vācaṃ na bhāṣate | mā ca mṛṣāvādaṃ kariṣyāmi mā ca pareṣām asatāṃ duḥkhadaurmanasyam utpādayiṣyāmi |

etāv eva dvāv arthavaśau saṃpaśyan satpuruṣaḥ kiṃpuruṣīṃ vācaṃ na bhāṣate | mā ca mṛṣāvādaṃ kariṣyāmi mā ca pareṣām asatāṃ duḥkhadaurmanasyam utpādayiṣyāmi |

dvau poṣathau | cāturmāsikaḥ paṃcadaśikaś ca ||

dve varṣopanāyike | pūrvikā ca paścimikā ca || ||

+ + + 1 Blatt fehlt

dvau piṇḍakau samasamau vipākato yaṃ ca piṇḍakaṃ paribhujya bodhisatvo ’nuttarāṃ samyaksaṃbodhim abhisaṃbuddho yaṃ ca piṇḍakaṃ paribhujya tathāgato nirupadhiśeṣe nirvāṇadhātau parinirvṛtaś ca ||

dve bhikṣor āyācanavastunī | bhikṣur evaṃ samyagāyācamāna āyāced aho batāham evaṃrūpaḥ syāṃ tadyathā śāriputramaudgalyāyanau bhikṣū | tat kasya hetor | eṣā hi bhikṣavas tulā etat pramāṇaṃ bhikṣūṇāṃ mama śrāvakāṇāṃ yaduta śāriputramaudgalyāyanau bhikṣū |

dve bhikṣuṇyā āyācanavastuni | bhikṣuṇī evaṃ samyagāyācamāna āyāced aho batāham evaṃrūpā syāṃ tadyathā mahāprajāpatī gautamī utpalavarṇā vā bhikṣuṇī | tat kasya hetor | eṣā hi bhikṣavas tulā etat pramāṇaṃ bhikṣuṇīnāṃ mama śrāvikāṇāṃ yaduta mahāprajāpatī gautamī utpalavarṇā vā bhikṣuṇī |

dve upāsakasyāyācanavastunī | upāsaka evaṃ samyagāyācamāna āyāced aho batāham evaṃrūpaḥ syāṃ tadyathā anāthapiṇḍado gṛhapatiḥ śrāvastyāṃ hastako vā ālavakaḥ kauśāmbyāṃ | tat kasya hetor | eṣā hi bhikṣavas tulā etat pramāṇaṃ upāsakānāṃ mama śrāvakāṇāṃ yaduta anāthapiṇḍado gṛhapatiḥ śrāvastyāṃ hastako vā ālavakaḥ kauśāmbyāṃ |

dve upāsikāyā āyācanavastunī | upāsikā evaṃ samyagāyācamāna āyāced aho batāham evaṃrūpaḥ syāṃ tadyathā viśākā mṛgāramātā śrāvastyāṃ kubjottarā vā kauśāmbyāṃ | tat kasya hetor | eṣā hi bhikṣavas tulā etat pramāṇaṃ upāsikānāṃ mama śrāvikāṇāṃ yaduta viśākā mṛgāramātā śrāvastyāṃ kubjottarā vā kauśāmbyāṃ || ||

uddānaṃ
||| mukhāni paṃca lābhena |
catvāri śamatho lobhaḥ prajñā śaikṣavargo ’yaṃ ||