smṛtimantaḥ prayujyante
na nikete ramanti te |
haṃsavat palvalaṃ hitvā
hy okam oghaṃ jahante te || 1

haṃ­sādityapathe yānti
ākaśe jīvitendriyāḥ |
niryānti dhīrā lokān
māra­sainyaṃ pramathya te || 2

acaritvā brahmacaryam
alabdhvā yauvane dhanam |
jīrṇakrauñcaiva dhyāyante
’lpamatsya iva palvale || 3

acaritvā brahmacaryam
alabdhvā yauvane dhanam |
śenti cāpātikīrṇā vā
paurāṇāny anucintitāḥ || 4

nālpaṃ manyeta pāpasya
naitaṃ mām āgamiṣyati |
udabindunipātena
mahākumbho ’pi puryate |
pūryanti bālāḥ pāpair hi
stokastokaṃ kṛtair api || 5

nalpaṃ manyeta puṇyasya
naitaṃ mām āgamiṣyati |
udabindunipātena
mahākumbho ’pi pūryate |
pūryanti dhīrāḥ puṇyair hi
stokastokaṃ kṛtair api || 6

ye taranty ārṇavaṃ nityam
kolaṃ baddhvā janāḥ śubham |
na te taranti saritāṃ
tīrṇā medhāvino janāḥ || 7

ubttīrṇo bhagavāṃ buddhaḥ
sthalc tiṣṭhati brāhmaṇaḥ |
bhikṣavaḥ snānti caivātra
kolaṃ badhnanti cāpare || 8

kiṃ kuryād udāpanena
yatrāpaḥ sarvato bhavet |
tṛṣṇāyā mūlam uddhṛtya
kasya paryeṣaṇāṃ caret || 9

udakena nijanti nejakā
iṣukārā namayanti tejasā |
dāruṃ namayanti takṣakā
hy ātmānaṃ damayanti paṇḍitāḥ || 10

yathĀ hradaḥ sugambhīro
viprasanno hy anāvilaḥ |
evaṃ śrutvā hi saddharmaṃ
viprasīdanti paṇḍitāḥ || 11

pṛthivīsadṛśo na lipyate
tāyī kīlavad aprakampayaḥ
hrada iva hi vinītakardamo
niṣkaluṣā hi bhavanti paṇḍitāḥ || 12

|| udakavargaḥ || ||