yac ca gāthāśataṃ bhāṣed
anarthapada­saṃ­hitam |
ekam arthapadaṃ sreyo
yac chrutvā hy upaśāmyati || 1

yac ca gāthāśataṃ bhāṣed
adharmapadasaṃhitam |
ekaṃ dharmapadaṃ sreyo
yac chrutvā hy upaśāmyati ||

yac ca varṣaśataṃ jīved
duḥśilo hy asamāhitaḥ |
ekāhaṃ jīvitaṃ śreyaḥ
sadā śīlavataḥ śuceḥ || 3

yac ca varṣaśataṃ jīved
duṣprajño hy asamāhitaḥ |
ekāhaṃ jīvitaṃ śreyaḥ
prājñasya dhyāyinaḥ sadā || 4

yac ca varṣasataṃ jīvet
kusido hinavīryavān |
ekāhaṃ jivitaṃ śreyo
vīryam ārabhato dṛḍham || 5

yac ca varṣaśataṃ jīved
apaśyann udayavyayam |
ekāham jīvitaṃ śreyaḥ
paśyato hy udayavyayam || 6

yac ca varṣaśataṃ jīved
apaśyaṃ vedanākṣayam |
ekāhaṃ jīvitaṃ śreyaḥ
paśyato vedanākṣayam || 7

yac ca varṣaśataṃ jived
apaśyann āsravakṣayam |
ekāhaṃ jīvitaṃ śreyaḥ
paśyato hy āsravakṣayam || 8

yac ca varṣaśataṃ jīved
apaśyann acalaṃ padam |
ekāhaṃ jīvitaṃ śreyaḥ
paśyato hy acalaṃ padam || 9

yac ca varṣaśataṃ jīved
apaśyann acyutaṃ padam |
ekāhaṃ jīvitaṃ śreyaḥ
paśyato hy acyutaṃ padam || 10

yac ca varṣaśataṃ jīved
apaśyann arajaḥ padam |
ekāham jīvitaṃ śreyaḥ
paśyato hy arajaḥ padam || 11

yac ca varṣaśataṃ jīved
apaśyaṃ virajaḥ padam |
ekaham jivitam sreyaḥ
paśyato virajaḥ padam || 12

yac ca varṣaśataṃ jīved
apaśyaṃ durdṛsaṃ padam |
ekāhaṃ jivītaṃ śreyaḥ
paśyato durdṛśam padam || 13

yac ca varṣa­śatam jīved
apaśyann uttamaṃ padam |
ekāhaṃ jīvitaṃ śreyaḥ
paśyato hy uttamaṃ padam || 14

yac ca varṣaśatam jived
apaśyann amṛtaṃ padam
ekāhaṃ jīvitaṃ śreyaḥ
paśyato hy amṛtaṃ padam || 151

yac ca varṣa­śataṃ pūrṇam
agniṃ paricared vane |
yac caikaṃ bhāvitātmānaṃ
muhūrtam api pūjayet |
sā tasya pūjanā śreṣṭhā
na tad varṣaśataṃ hutam || 16

māse māse kuśāgreṇa
yo hi bhuñjīta bhojanam |
na tad buddhe prasādasya
kalām arghati ṣodaśīm || 171

māse māso kuśāgreṇa
yo hi bhuñjīta bhojanam |
na tad dharme prasādasya
kalām arghati ṣoḍaśīm || 18

māse māse kuśāgreṇa
yo hi bhuñjīta bhojanam |
na tat saṃghe prasādasya
kalām arghati ṣoḍaśīm || 19

māse māse kuśāgreṇa
yo hi bhuñjīta bhojanam |
na tac chīle prasādasya
kalām arghati ṣodaśīm || 20

māse māse kuśāgreṇa
yo hi bhuñjīta bhojanam |
na taṃ maitrasya cittasya
kalām arghati ṣoḍaśīm || 20A

māse māse kuśāgreṇa
yo hi bhuñjīta bhojanam |
na tat satvānukampāyā
kalām arghati ṣodaśīm || 20B

māse māse kuśāgreṇa
yo hi bhuñjīta bhojanam |
na tat prāṇānukampāyā
kalām arghati ṣodaśīm || 20C

māse māse kuśāgreṇa
yo hi bhuñjīta bhojanam |
na tad bhūtānukampāyā
kalām arghati ṣoḍaśīm || 20D

māse māse kuśāgreṇa
yo hi bhuñjīta bhojanam |
na tat svākhyāta­dharmas­ya
kalām arghati ṣoḍaśīm || 20E

māse māse sahasreṇa
yo yajeta samāśatam |
na tad buddhe prasādasya
kalām arghati ṣoḍaśīm || 21

māse māse sahasreṇa
yo yajeta samāśatam |
na tad dharme prasādasya
kalām arghati ṣodaśīm || 22

māse māse sahasreṇa
yo yajeta samāśatam |
na tat saṃghe prasādasya
kalām arghati ṣoḍaśīm || 23

māse māse sahasreṇa
yo yajeta samāśatam |
na tac chīle prasādasya
kalām arghati ṣoḍaśīm || 24

māse māse sahasreṇa
yo yajeta samāśatam |
na taṃ maitrasya cittasya
kalām arghati ṣoḍaśīm || 25

māse māsc sahasreṇa
yo yajeta samā­śata­m |
na tat satvānukampāyā
kalām arghati ṣoḍaśīm || 26

māse māse sahasreṇa
yo yajeta samāśatam |
na tat praṇānukampāyā
kalām arghati ṣoḍaśīm || 27

māse māse sahasreṇa
yo yajeta samāśatam |
na tad bhūtānukampāyā
kalām arghati ṣoḍaśīm || 28

māse māse sahasreṇa
yo yajeta samā­śata­m |
na tat svākhyāta­dharmas­ya
kalām arghati ṣoḍaśīm || 29

yat kiṃ cid iṣṭaṃ ca hutaṃ ca loke
saṃ­vatsaraṃ yajati puṇyaprekṣī |
sarvaṃ pi taṃ na caturbhāgam eti
abhivādanaṃ tv ṛjjugateṣu śreyaḥ || 30

|| peyālavargaḥ || ||